Hallo Velo
Schweiz - Vo Bärn iz Emmental über z'Entlebuech via Luzern a Zürisee uf ne Insle nach Chur über d'Alpe iz Ungerengadin
Am 6. Juli hei mir “Hallo Velo” und glichzytig “Tschüss Bärn” gseit. Am däm bedeckte Samstimorge het üsi Veloreis richtig Balkan gstartet. I dä fougendä Täg si mir queer dür d Schwiz gfahre und hei bi Burehöf, uf Campingplätz, bi Fründe, im ne Kurhuus und ufere Insel übernachtet. Mir si a üs unbekannte Orte verby cho, hei mit Muskukraft zwöi Päss bezwunge und si schlussändlech i eim vo de abglägenste Täler vor Schwiz glandet - im Val Müstair.
Dehei abzfahre ohni z'wüsse wo üs di Reis wird härefüehre isch mit ere wohlige Ufregig verbunde. Mir hei e Richtig und si tribe vo eme Gfüu. Aues angere wird sech ergäh. Dür d'Schwiz isch z'Velofahre unkompliziert. Uf de Landstrasse und über d'Päss wird me zwar regumässig vo eme Töfffahrer ufgschreckt, aber di grossartige Ussichte und die schöni Natur löh dr churzfrischtig Fruscht schnäu lah verflüge. Und d'Abfahrte über mehreri hundert Höhemeter zoubere üs es breits Lache ufs Gsicht.
Üsi Route dür d’Schwiz
✉️ Blog Updates: Mäud di hie ah, we de über nöi Biträg wosch informiert wärde.