Lago mio
Italien - Vo Meran dür z’Südtirol über Trento a füüf See vrby dür d Po-Ebeni via Udine nach Malborgettho
Vouer Vorfröid uf Italie si mer am Afang im Südtirol eher uf es chlises Österrich gstosse, wo üs mit hochwärtige Velowege und feinem Ässe überrascht hett. Di tatsächlechi italienischi Romantik hett sech de witer südlech ab Trento afa entfaulte und in Udine de so richtig igschlage. Viva l’Italia!
Nach üsere erste Ruhepouse in Meran, hett üsi Route a verschiedenste Gwässer und Seee verby gführt. Mir hei insgesamt a füüf See übernachtet: Lago di Caldaro, Lago di Caldonazzo, Lago di Corlo, Lago di Lago und Lago di Bordano. Jedes Gwässer isch e willkommeni Abchüelig gsi nach sehr heisse Fahrtäg - o Lago mio!
Während dr Düürquerig vor Po-Ebeni und eme mehrtägige Stopp in Udine hei mer Italie mit au sine Facette gnosse. Besunders beidruckt het üs dr Tagliamento, mit sim bis zu 1.5 km breite Flussbett es Naturspektaku. Vo dert het üs mit dr Alpe Adria e einzigartige Wäg über auti Bahntrasse a d Grenze vo Slowenie gfüehrt.
Üsi Route dür Italie
✉️ Blog Updates: Mäud di hie ah, we de über nöi Biträg wosch informiert wärde.