Zelena Slovenija

Slowenien - Uf früechere Bahntrasse nach Bled dür witläufigi Wäuder via Ljubljana nach Postojna in Richtig Adria

In Slowenie hei top Velowäge uf üs gewartet. Üsi Route hett üs dür grüeni (zelena) Landschafte gfüehrt. Grün, grüner, am grüenschte so hei mir Slowenie i verschiedene Facette erläbt. Nach eme Abstächer düre Nationalpark Triglav, si mer durchnnässt vom em erschte richtige Platzräge im malerische aber sehr touristische Bled acho.

Näbscht dr Natur isch Lublijana es risigs Highlight gsy. Üses Airbnb ir Autstadt hett e optimali Usgangslag bote für di spannendi Stadt z'erkunde. E Fium Premiere im ne Openair Kino i de Mure vom Schloss vo Ljubljana, e Resti-Bsuech bir slowenische Starchöchin Ana Ros sowie entspannti Pouse i verschiedene Kaffis si e Teil vom abwächsligsriche Programm gsy.

Näbschtdäm hei mer Zyt gnützt für o widr mau üsi Chleider z'wäsche und d'Vorrät für di nächschti Etappe ufzfüue. Mit voue Velotäsche si mer vo Ljubljana witer über Felder und dür Wälder in Richtig Kroatie witerzoge.

 

Üsi Route dür Slowenie


✉️ Blog Updates: Mäud di hie ah, we de über nöi Biträg wosch informiert wärde.

 
Zurück
Zurück

Weiter
Weiter