Na More
Kroatien - Ab i Süde uf Rijeka ad Küschte, entlang vor Adria über d'Hügle vo Crno dür z'Winnetou-Land mits i Plitvicer-Nationalpark
Mit dr Überquerig vor Kroatische Grenze hei mir gwüsst, es isch nüm wit. Nach jedere Kurve hei mir dr erst Blick uf z'Meer gspannt erwartet. Und plötzlich hei mir uf di dunkublaui Farb vor Adria und die kargi Küste vo Kroatie abegluegt. Da hei mir nume no eis wöue: No More (ab an's Meer).
E Übernachtig uf eme Camping direkt am Meer und e usgedehnte Schwumm ir Adria het nid dörfe fähle. Mir hei üs när aber gly vom Massetourismus und vom vile Verkehr iz Hingerland vo Kroatie zrüggzoge.
Z Meer hei mir nid sofort hinger üs gla, über zwöi Täg hei mir vo 700 Meter Höchi dr wunderschön Usblick über Küste gnosse, während mir langsam i abglägneri, unbelasseni Regione gfahre si. Wildi Ross, e mönscheleere Wäg düre Pliviticer Nationalpark und e Schlafplatz mit Blick uf z Meer hei dr Ufenthalt in Kroatie einzigartig gmacht.
Üsi Route dür Kroatie
✉️ Blog Updates: Mäud di hie ah, we de über nöi Biträg wosch informiert wärde.