Dobar dan!
Bosnien Teil I - Vo Bihać über Klokot düre Una-Nationalpark nach Drvar entlang vo de dinarische Alpe nach Livno und Tomislavgrad düre Nationalpark vo Blidinje via Konjic nach Sarajevo
"Dobra dan!" - öb vom Strasserand, vo eme Fäud oder us eme Fänschter, d'Bosnierinne u Bosnier grüsse üs mit eme fröidige Gsicht und nid säute begleitet vo eme härzhafte Lache.
Gstartet mit eme gwüsse Respäkt vor wiude Hünd, Bäre und Ischränkige bim Wiudzäutle wäge Landmine usem Bosniechrieg, hei sech üsi Befürchtige innert Stunde komplett ufglöst. Bosnie hett üs mit sire unbelasene Natur, de ungloublech gastfründleche Mönsche und sim wiude Mix vo Kulture vo Afang ah begeischteret.
Mir si i Gnuss vo glasklare Flüss cho, vo wyte Ebenine und mönscheleere Strasse. Zum Zäutle hei mer di schönschte Orte dörfe entdecke, sigs am gröschte Bergsee vo Bosnie (Blidinjsko Jezero), mits im ne Waud oder diräkt a de wunderschöne Flüss Klokot, Una und Sturba.
Zum üsserscht fleischlaschtige Ässe gits gueti Auternative i de viuzählige Pekara's (Beckereie). Z'allgägewärtige Burek gits i verschiedene Variante mit Chäs (Sirnica), Härdöpfu (Krompiruša) und Spinat (Zeljanica) gfüut. Was natürlech nid darf fähle isch Joghurt und Ajvar.
In Sarajevo gits zersch mau paar Täg e Pouse zum Erkunde aber o für z'Plane vo dr witere Route..
Üsi Route dür Bosnie
✉️ Blog Updates: Mäud di hie ah, we de über nöi Biträg wosch informiert wärde.