One-Night-Stand
Kosovo - Über di hügligi Gränzregion nach Gjakova und witr östlech widr zrügg dür d'Hügle uf Albanie
Nume ei Nacht blibe mer im Kosovo, aber i dere churze Zyt, chöme mer mit verschiedene Lüt i Kontakt. Scho abem Zoll isch klar, Kosovarinne und Kosovare si dr Schwiz guet gsinnt. Dr Zoubeamte meint bim Zeige vo üsne Päss mit eme Lächle "Good Country". Baden, Chur, St. Galle... fasch aui hei irgend e Bezug zur Schwiz, hei mau dert gschaffet odr e Cousin, Schwöschter odr süsch Verwandti, wo dert wohne.
D'Nechi vom Kosovo zu Albanie isch nid nume landschaftlich sondern o sprachlech, vom Ässe her u kulturell spührbar. So ghöre mir d Ussag "Kosovo and Albania is one" mehrmaus i verschidnige Variante. D'Albanieflagge isch augägewärtig und o zahle i dr albanischer Währig isch überau müglich.
Mir si positiv überrascht vom chline härzige Stedtli Gjakova. Di pflasterte Strasse, die aute Hüser und dr historisch Basar het üs sehr gfaue. Tourischte si in Gjakove chum z finde und mä merkt wie authentisch dr Chärn vo däm Stedtli isch. Einisch meh si mir usem nüt zum ne Kaffi iglade worde - "Faleminderit!" - und hei gspannt am läbändige Tribe zuegluegt.
Leider isch ds nume e churze Abstächer gsi, abr d'Idrück und Begägnige wärde üs in beschter Erinnerig blibe.
✉️ Blog Updates: Mäud di hie ah, we de über nöi Biträg wosch informiert wärde.