Ufem Velo macht sech es grosses Freiheitsgfüu bemerkbar. Dr Entscheid für die langsami Fortbewegig isch bewusst gfaue. Jedi Herusforderig, jede steil Astieg und jede unerwartet Umwäg isch Teil vor Essenz vo üsere Reis.

Üse Wäg füehrt üs a Orte, wo me nume absits vo de bekannte Pfade entdeckt. Jede Tag isch es chlises Abentür: E Sprung ine abglägene Bärgsee, e Ustusch mit eme Local odr eifach dr pur Gnuss vo dr Natur, wo sech langsam aber stetig verändert.

Jedes Abstiege nach ere lange Fahrt isch es Gfüeu vo acho und jede Schlafplatz es chlises nöis Deheim. Mir gniesse die lokale Spezialitäte, trinke Kaffi uf Dorfplätz und stosse mit üs unbekannte Mensche uf z'Läbe ah.

Es isch di riesigi Viufaut vo Orte, Begägnige u Momänte wo üs sehr dankbar macht.